المساعد الشخصي الرقمي

مشاهدة النسخة كاملة : اسوء حاجه فى ضحكتنا


منه
08-24-2010, 08:22 PM
السلام عليكم

انا عضوه جديده

مش جديده اوي يعني

وانا بصراحه في حاجه كده مستفزيااااااااااااني اوي

وعارفه ان في اعضاء كتيييير هنا مخضرمين عني

وكان المفروض هما اللي ياخدوا بالهم منها مش انا

ويتكلمو فيها ويوقفوها كمان عند حدها

بصراحه بصراحه

منتدنا ده يعتبر المنتدي الاول

في

((المواضيع المنقوله والردود الناااااااااايس))

يعني انتو ممكن كلكو كده تدخلو في اي قسم

وتشوفو اللي انا بقوله ده

هتلاقوه حقيقي

يعني تلت تربع الاعضاء اللي هنا

مع احترامي ليكوا كلكم طبعا

مواضيعهم كلهم كوبي باست

والردود يااما نايس

يااما جميل اوي

يا اما تسلم ايدك

حتي لو الموضوع عايز مناقشه

يعني انا مش فاهمه ده ليه

يبقا الموضوع 150 سطر وبكل سهوله العضو ياخده كوبي

ويرميه في المنتدي والمطلوب مننا اننا نقراه

وطبعا بيبقا موضوع مش فيه فكره فتلاقي الردود كلها

جميل..هايل..نايس..تسلم ايدك

وانا عندي الادله القاطعه ع اللي بقوله ده

يعني ممكن اجيبلكم لينكات مواضيع وردود

بس ربك ستار حليم بقا

وكل واحد عارف شغله

انا بقا مش عارفه ده ليه

هو انتو مكسلين تفكروا

ولا بتكسلو تناقشوا؟

ولا عايزين بس عدد مشاركتكم تزييييييييييييد؟

حاجه غريبه فعلاااااااااااااااا

وبكده

بقينا منتدي يحتل المركز الاول

في الكوبي باست..والنايس توبيك

مع الاعتراف بان طبعا في

اعضاء مش بتوع كوبي باست

وطبعا احنا برده عارفينهم كويس

ياريت ياجماعه نتكلم مع بعض في مواضيع

مش هيبقا كل كلامنا كوبي باست

قولنا اللي بتفكر فيه حته لو حاجه عبيطه

خلونا نتناقش فيها وخلاص

اهو بنقضي وقت حلو مع بعض

وانا عملت الموضوع من غير ولا ايموشن او لون

لاني متضايقه بجد فعلا من الموضوع ده

انا عارفه ان تلاقي كتير منكم كارهني دلوقتي

بس هو ده اللي بجد انا شايفاه واتمني انه يتصلح

لاننا بجد اعضاء دماغنا جامده

بس لوشغلناااااااااااااااااها

bodi89
08-24-2010, 08:35 PM
طاب احنا كده ممكن نضرب بالنار يا منه لو قلتلك معاكى حق :rolleyes:

منه
08-24-2010, 08:54 PM
هيدي هوه

الكبير ياجدعان مايدني

يعني مش انا بس اللي شايفه ده

MeMa_life
08-24-2010, 09:15 PM
والله يا منه فعلا توبك فرقعه
بس فرقعه مش تعور ده بالعكس جدا


انا ليا رد كبير اوى فى الموضوع ده
وانا اكيد مايداكى
وليا عوده علشان اكتب ردى
بس بصراحه مقدرتش اشوف التوبك ده ومقولش انك صح
لغايه اما اكتب الرد

MeMa_life
08-24-2010, 10:05 PM
انا كيت
اولا انا قليل لما بشوف منتى متنرفزه كدا
ودى حاجه غير طبيعيه فى حد ذاتها :d

بس بصراحه انا فعلا ملاحظه الموضوع ده كمان
انا مش ضد النقل بشكل عام لان فى حاجات لازم تتنقل
يعنى زى المعلومات والاخبار ومواضيع قسم الصحه وحاجات تانيه
وبرده مش كل المواضيع
وفى مواضيع محتاجه رايك قبل النقل كمان
بس اللى معترضه عليه اكتر حاجه
هو النقل فى قسمين العام والنقاش
وخاصه بقى النقاش
يعنى ممكن فى القسم العام الواحد ياخد فكره موضوع ويزود او ينقص او يطرح سؤال
او حتى يقول رايه
كمان فى مواضيع فعلا بتبقى منقوله وانا مش عارفه هى منقوله ليه
او صاحبها قصده ايه منها وفى نفس الوقت مش بلاقى رد مختلف
وبكتشف انى ردى كانه هو كمان كوبى باست
او كلمتين حفظاهم
واكيد ده برده بيضايق صاحب التوبك

وبجد بضايق برده جدا لما ابقى كاتبه موضوع واعد انا افكر فيه اد كدا
وفى الاخر الاقى والله فكره جامده وتوبك لذيذ وموضوع مهم ..................
طب مانا مش عااملاه علشان كدا
انا عايزه راى حتى لو كان هيعارضنى او حتى يقولى توبك ملوش لازمه
المهم انى الاقى راى كدا واسباب وتفكير
واحس ان اللى ادامى مقدرنى او حتى مقدر التوبك
ولو ولا ده ولا ده يبقى يا ستى مقدر التعب او الوقت اللى اتكتب فيه


بس انا اعتقد ان موضوع النقل ده خاصه هنا
مجرد تعود
لسبب واحد ان فى ناس كتير اوى هنا بثق فى دماغهم وتفكيرهم
وتبقى متاكده جدا انهم عندهم كلام كتير ومواضيع
بس يمكن بقت عاده زى ما قلت

وياريت بس زى ما بودى ما قال مش نضرب بالنار :frown:

bodi89
08-24-2010, 10:16 PM
عارفه يا منه
اللى بيدايقنى اوى و مبعرفش اكلم فيه هو ايه
انى بلاقى واحد بينقل الموضوع كربونه
يعنى بينقل العنوان بالظبط و الموضوع بالظبط يعنى حتى لو مكتوب فى الموضوع اسم المنتدى التانى الاقيه منزله
ولو معمول فيه لينك لمنتدى تانى الاقيه ناقله برده عادى و ميخدش باله و بكيف اوى امتى بقى :d
لما يكون منقول عنوان موضوع اساسا المنتدى هنا مش مكفيه عدد الحروف دى
يعنى مثلا
الفيلم الرائع كذا كذا بطوله مش عارف مين بمس و شكرا على كده
باقى الكلام مش موجود و اللى بينقل مبيخدش باله من كده
دى بتكيفنى اوى و بقعد اضحك بصراحه :d

منه
08-24-2010, 10:48 PM
انا كيت
اولا انا قليل لما بشوف منتى متنرفزه كدا
ودى حاجه غير طبيعيه فى حد ذاتها :d

بس بصراحه انا فعلا ملاحظه الموضوع ده كمان
انا مش ضد النقل بشكل عام لان فى حاجات لازم تتنقل
يعنى زى المعلومات والاخبار ومواضيع قسم الصحه وحاجات تانيه
وبرده مش كل المواضيع
وفى مواضيع محتاجه رايك قبل النقل كمان
بس اللى معترضه عليه اكتر حاجه
هو النقل فى قسمين العام والنقاش
وخاصه بقى النقاش
يعنى ممكن فى القسم العام الواحد ياخد فكره موضوع ويزود او ينقص او يطرح سؤال
او حتى يقول رايه
كمان فى مواضيع فعلا بتبقى منقوله وانا مش عارفه هى منقوله ليه
او صاحبها قصده ايه منها وفى نفس الوقت مش بلاقى رد مختلف
وبكتشف انى ردى كانه هو كمان كوبى باست
او كلمتين حفظاهم
واكيد ده برده بيضايق صاحب التوبك

وبجد بضايق برده جدا لما ابقى كاتبه موضوع واعد انا افكر فيه اد كدا
وفى الاخر الاقى والله فكره جامده وتوبك لذيذ وموضوع مهم ..................
طب مانا مش عااملاه علشان كدا
انا عايزه راى حتى لو كان هيعارضنى او حتى يقولى توبك ملوش لازمه
المهم انى الاقى راى كدا واسباب وتفكير
واحس ان اللى ادامى مقدرنى او حتى مقدر التوبك
ولو ولا ده ولا ده يبقى يا ستى مقدر التعب او الوقت اللى اتكتب فيه


بس انا اعتقد ان موضوع النقل ده خاصه هنا
مجرد تعود
لسبب واحد ان فى ناس كتير اوى هنا بثق فى دماغهم وتفكيرهم
وتبقى متاكده جدا انهم عندهم كلام كتير ومواضيع
بس يمكن بقت عاده زى ما قلت

وياريت بس زى ما بودى ما قال مش نضرب بالنار :frown:



البت ميما دي بتقول كلام زي الفل
بجد ياميما تمام اووووووووي اللي قلتيه
بس مفيش حاجه اسمها تعود
يعني ازاي يعني تعود دي
يعني مبقاش في حد فينا ليه وجهه نظر في اي موضوع في الدنيا
يعني لما انزل موضوع اقول فيه مثلا ماهي هي معني السعاده
وبعدها اقول اشعار وخيالات
طب ليه مانا اقول رايي في معني السعاده من وجهه نظري مش لازم الكوبي
بجد لو الموضوع ده اتغير
هنبقا احسن منتدي

عارفه يا منه
اللى بيدايقنى اوى و مبعرفش اكلم فيه هو ايه
انى بلاقى واحد بينقل الموضوع كربونه
يعنى بينقل العنوان بالظبط و الموضوع بالظبط يعنى حتى لو مكتوب فى الموضوع اسم المنتدى التانى الاقيه منزله
ولو معمول فيه لينك لمنتدى تانى الاقيه ناقله برده عادى و ميخدش باله و بكيف اوى امتى بقى :d
لما يكون منقول عنوان موضوع اساسا المنتدى هنا مش مكفيه عدد الحروف دى
يعنى مثلا
الفيلم الرائع كذا كذا بطوله مش عارف مين بمس و شكرا على كده
باقى الكلام مش موجود و اللى بينقل مبيخدش باله من كده
دى بتكيفنى اوى و بقعد اضحك بصراحه :d

هههههههههههههههه

هم يبكي وهم يضحك صحيح
بس ده فعلا الهم اللي يبكي
يعني بجد حاجه تكسف
يعني مبقناش حتي حاسين
بالي بنعمله ولا ايه
ولا حتي حااااسين باللي بنعمله
طب ليه بنعمل كده بجد
ليه نعمل كوبي
رغم ان دماغنا المفروض تبقا اجمد من كده كلنا كبااااااااراوي علي كده

محمود نجاح
08-24-2010, 10:53 PM
والله يا منا انا بحاول بقدر استطاعتي ان اكتب واكتب
يس في حاجات الواحد بيقي مجبر انه ينقلها
زي مثلا المواضيع اللي في قسم الصحه والحياه ... انا مش دكتور
لكن في منتديات تانيه ... الواحد المفروض يعملها ويتعب فيها
زي العام وافتح قلبك الشعر والقصائد الاغاني والافلام يرفعهم بحقوق المنتدي
والواحد بيعمل اللي يقدر عليه ............. هو اي نعم في حاجات انا بنقلها لانها بتعجبني وبقراها مره واتنين وتلاته مش بنقل اي حاجه وخلاص
وانا بقول كده لكل اللي في المنتدي بما فيهم انا يا ريت تتعبو شويه وتكتبو
مش فيها حاجه لو طلعت وحشه
كفايه انك انت اللي كتبها
والكلام ده موجه ليا برده عشان مش حد يقولي ان انا كمان بنقل وبس انا في حاجات انا عملها بفكري وبخط ايدي



اشكرك يا منه ع الموضوع اللي كان المفروض انه يتعمل من زمان
تسلم ايدك

حسن حس
08-24-2010, 11:05 PM
والله انا بذات مش هتكلم لانى بنقل كتير بس والله ساعات بكتب
بس القصة زى ما قلتم ممكن الواحد يفضل يكتب ويظبط الموضوع ويتعب نفسه
وواحد ممكن ميقراش ويكتب تمام تمام زى الفل وانا بعمل كده ساعات :d
بس بردو الواحد بيشوف مواضيع حلوة بيقول لازم انقله علشان غيري يشفوه
بس مش عارف نعمل ايه طيب عاوزين حد يشتغل وحد ينقل
وبعدين انا حاسس ان لو محدش نقل المنتدى مش هيشتغل اوى

منه
08-24-2010, 11:45 PM
والله يا منا انا بحاول بقدر استطاعتي ان اكتب واكتب

يس في حاجات الواحد بيقي مجبر انه ينقلها
زي مثلا المواضيع اللي في قسم الصحه والحياه ... انا مش دكتور
لكن في منتديات تانيه ... الواحد المفروض يعملها ويتعب فيها
زي العام وافتح قلبك الشعر والقصائد الاغاني والافلام يرفعهم بحقوق المنتدي
والواحد بيعمل اللي يقدر عليه ............. هو اي نعم في حاجات انا بنقلها لانها بتعجبني وبقراها مره واتنين وتلاته مش بنقل اي حاجه وخلاص
وانا بقول كده لكل اللي في المنتدي بما فيهم انا يا ريت تتعبو شويه وتكتبو
مش فيها حاجه لو طلعت وحشه
كفايه انك انت اللي كتبها
والكلام ده موجه ليا برده عشان مش حد يقولي ان انا كمان بنقل وبس انا في حاجات انا عملها بفكري وبخط ايدي



اشكرك يا منه ع الموضوع اللي كان المفروض انه يتعمل من زمان

تسلم ايدك


طبعا رد جميل اوي يامحمود
وياريت فعلا كل واحد فينا يبدا بنفسه لاننا ساعتها هنعمل شغل جامد بجد
وانا زي ماميما قالت
احنا مش رافضيين فكره النقل
بس لازم يكون لك لمسه فنيه وتشغل مخك حتي في النقل
ده اللي احنا بنتكلم فيه

والله انا بذات مش هتكلم لانى بنقل كتير بس والله ساعات بكتب
بس القصة زى ما قلتم ممكن الواحد يفضل يكتب ويظبط الموضوع ويتعب نفسه
وواحد ممكن ميقراش ويكتب تمام تمام زى الفل وانا بعمل كده ساعات :d
بس بردو الواحد بيشوف مواضيع حلوة بيقول لازم انقله علشان غيري يشفوه
بس مش عارف نعمل ايه طيب عاوزين حد يشتغل وحد ينقل
وبعدين انا حاسس ان لو محدش نقل المنتدى مش هيشتغل اوى

بص ياحسن
وانت بتكتب الموضع انت مش بتبقا مستني ان كل اعضاء المنتدي يردو فيه
بس انت بتعمل اللي عليك
واقولك علي حاجه بجد يعني
لو انت بترد وبتتناقش في مواضيع الاعضاء هتلاقي الاعضاء
شايلينهالك جميله وزي مرديتلهو واتكلمت
هما هيردولك وهيتكلمو
ثانيا انت مشرف عام يعني عارف كويس يعني ايه يكون مشرف عام وعايش ع الكوبي
عشان بيكسل يكتب وبينقل بدل ميضيع وقته
سؤال بقا والله مقصد بيه حاجه
لما انت مش عايز تضيع وقتك وتتعب وتكتب
امال مشترك في المنتدي لييييييييه؟
متزعلش مني بجد يعني
ثالثا في رابطه عشاق تامر حسني
في قسم اسمه المواضيع العامه باين
القسم ده ماااااااااااااااانع اي نقققققققققل
والقسم شغال ومولع بافكار اصحابه
انت كمشرف المفروض تمنع النقل مش تدافع عنه
وصدقني واله لو اوجبرنا علي الكتابه هتلاقي ابدااااااااااااااااااع:d

حسن حس
08-25-2010, 02:24 AM
لا انا مكنتش اقصد انى عايش على النقل بس انا لما بنقل بنقل حاجات فى قسم الفرفشة وده اكتر حاجة وممكن الحاجات بتاعت القسم العام موضوع بيعجبنى بنقله وساعات بنقل برامج وكده والحاجات دى عادية وبتتنقل كتير
بالنسبة انى مش عاوز اكتب ليه لا انا عاوز اكتب بس الحكاية عاوزة دماغ
وبعدين ما انا عامل مسلسل حسن حس :d صجيج مش قد كده بس اهو حاجة خصة بيا
الى عاوز اقوله كمان ان نقل الموضوع ده مش عيب اوى لان ده منتشر جدا وكمان انا مش بقول
ان انا الى كتبه بس هو فعلا كتير ومحدش بيطلع حاجة من دماغة وده انا متفق فيه جدا
بس بحاول والله هى الحكاية عاوزة حد يكون عنده وقت وافكار وانشاء الله بالتشجيع هنكون
بيتنقل مننا ان شاء الله
وبالنسبة للاشراف ده علشان مجهودى زمان الى قل دلوقتى :d وانشاء الله استمر

وعموما كمشرف بقة انا مانع النقل
والى هشوفه ناقل موضوع همسحه :tongue:

princess mera
08-25-2010, 02:31 AM
فعلا يا منه كلنا معاكي يا اصلا
بس اساسا
انا اولهم
انا اسف اوي
عشان كده بقيت اعمل اخبار بس عشان ماكدبش واعمل اعاني من مواقع رسميه احسن
بس بحد انا اول واحد بيعمل كده

MeMa_life
08-25-2010, 02:34 AM
معلش يا ميرا سؤال
هو انت او انتى دايما تتكلم بصيغه المذكر
فمش عارفه بقى انت ولد ولا بنت

looney
08-25-2010, 06:20 AM
حلو الكلام اوى
وتمام التمام
بس احنا عايزين حلول
انا عن نفسى معنديش ملكة الكتابة خالص
بس مش بنقل كوبى بست
لا بغير جمل او كلمات او معانى
ودة اللى بقدر علية
اية الحل عشان نعمل الكلام الحلو اللى انتم بتقولوا علية

ندى
08-25-2010, 07:12 AM
ليه كد بقى انا عمرى من يوم مادخلت المنتدى ما عملت كوبى ولا بست لآى موضوع انا عملته وبعدين انا ممكن اقرأ الموضوع من كتاب وده غالبا اللى انا بعمله وممكن الخصه من دماغى وعموما ان اى موضوع عامى بكتبه بيكون من عقلى فبلاش ياجماعه لما تيجوا تتكلموا تتكلموا بصيغه الجمع لأن ذى مافى ناس بتستسهل فى ناس بتحب تعصر دماغها مرسى جدا

looney
08-25-2010, 08:04 AM
ميرااااااااا بنت مش ولد يا ميما
وندى فعلا بتكتب من دماغها

منه
08-25-2010, 05:51 PM
لا انا مكنتش اقصد انى عايش على النقل بس انا لما بنقل بنقل حاجات فى قسم الفرفشة وده اكتر حاجة وممكن الحاجات بتاعت القسم العام موضوع بيعجبنى بنقله وساعات بنقل برامج وكده والحاجات دى عادية وبتتنقل كتير

بالنسبة انى مش عاوز اكتب ليه لا انا عاوز اكتب بس الحكاية عاوزة دماغ
وبعدين ما انا عامل مسلسل حسن حس :d صجيج مش قد كده بس اهو حاجة خصة بيا
الى عاوز اقوله كمان ان نقل الموضوع ده مش عيب اوى لان ده منتشر جدا وكمان انا مش بقول
ان انا الى كتبه بس هو فعلا كتير ومحدش بيطلع حاجة من دماغة وده انا متفق فيه جدا
بس بحاول والله هى الحكاية عاوزة حد يكون عنده وقت وافكار وانشاء الله بالتشجيع هنكون
بيتنقل مننا ان شاء الله
وبالنسبة للاشراف ده علشان مجهودى زمان الى قل دلوقتى :d وانشاء الله استمر

وعموما كمشرف بقة انا مانع النقل
والى هشوفه ناقل موضوع همسحه :tongue:



ميرسي لردك ياحسن
وميرسي كمان انك مش زعلت مني
واما انت حاسس ان الموضوع فعلا عايز دماااااااااااغ شغل دماغك بقا شويه
بص اي اي اي اي اي اي اي اي اي
حاااااااااااااجه ممكن تفكر فيها في اي وقت
انشالله تكون حاجه عبيطه
اكتبهالنا وقولنا انك بتفكر فيها
طب مانا مره عملت موضوع اسالكم فيه ان كان نفسكم تتحولو لحيوانات
تتحولو لحيوان ايه
شفت تفاهه اكتر من كده؟
وبالحاجات الخفيفه دي
هتلاقي نفسك بتفكر في حاجات اعمق وتسالنا فيها برده
وان كان ع المسح فقشطه جدا انا معاااااااااك

فعلا يا منه كلنا معاكي يا اصلا
بس اساسا
انا اولهم
انا اسف اوي
عشان كده بقيت اعمل اخبار بس عشان ماكدبش واعمل اعاني من مواقع رسميه احسن
بس بحد انا اول واحد بيعمل كده

مش عشان مش لاقيه افكار توقفي نشاطك ياقمر
فكري في اي حاجه واكتبيها وعايزينلك شغل من ناااااااار بقا:d

ليه كد بقى انا عمرى من يوم مادخلت المنتدى ما عملت كوبى ولا بست لآى موضوع انا عملته وبعدين انا ممكن اقرأ الموضوع من كتاب وده غالبا اللى انا بعمله وممكن الخصه من دماغى وعموما ان اى موضوع عامى بكتبه بيكون من عقلى فبلاش ياجماعه لما تيجوا تتكلموا تتكلموا بصيغه الجمع لأن ذى مافى ناس بتستسهل فى ناس بتحب تعصر دماغها مرسى جدا
لو كنتي قريتي الموضوع لاخره
كنتي هتاخدي بالك كويس اووووووووي اني كاتبه ان في ناس
بتشتغل من دماغها
وان كان في حد حقه يزعل فميما واورتن كانو يبقو من اول الناس اللي تزعل
بس عشان انا كاتبه ان في ناس بتشتغل عشان كده مزعلووووووووووش
وان كنتي متاكده انك من الناس اللي انا كاتبه عليهم انهم بيشتغلو من دماغهم
يبقا مفيش داعي خاااااااااااالص لانك تزعلي ياقمر
وميرسي ليكي اكترررررررررررر:d

منه
08-25-2010, 06:05 PM
حلو الكلام اوى

وتمام التمام
بس احنا عايزين حلول
انا عن نفسى معنديش ملكة الكتابة خالص
بس مش بنقل كوبى بست
لا بغير جمل او كلمات او معانى
ودة اللى بقدر علية

اية الحل عشان نعمل الكلام الحلو اللى انتم بتقولوا علية


انتي بقا ياقمرايه عايزالك رد خاص
لان الوحيد اللي طلب حل هو انتي
بصي يالوني
انا قلت الكلمه دي ميت مره
وهي ان اي حد فينا يكون عنده اي فكره في اي حاجه في الدنيا يكتبهالنا
او حتي لو في حد عنده حاجه عايز ينقلها
ياخد الفكره ويكتب هو باسلوبه
مش الذكاء في انك تنقل موضوع 150 سكر ومفيش حد هيقرا منه ولا كلمه
انا عايزه نبدا انشالله بافكار صغيره
عشان نبقا من المنتديات اللي بيتعمل منها كوبي
مش هي اللي بتعمل كوبي:d

princess lola
08-30-2010, 11:02 PM
كلامك فعلا صح يا منة وانا مايداه جدا والدليل انى حتى الان لم اكتب موضوع واحد كوبى وباست او غيره باحاول افكر فى حاجة جديدة بس لو فى موضوع هام ولا بد انه يكون على منتدانا ليه ما ننقلهوش