المساعد الشخصي الرقمي

مشاهدة النسخة كاملة : يــا مرارتــى يــانـــى


همـ س الـ ع ـيون
11-24-2010, 12:51 PM
زمان اما الواحد كان يقرى بريد الجمعه
او يشوف برنامج حياتى ياعينhttp://www.tarae3o.com/vb/images/smilies/biggrin.gif
او اى برنامج مختص بالمشاكل الزوجيه
كنا نقعد نقرا و نتفرج و احنا قلبنا متقطع على صاحبه المشكله
غالبا صاحبه مشكله لان الستات بتشتكى اكتر

المهم
و تبقى المشكله معقده و مشبكه و مسدده و متبقاش عارف تتحل ازاى
يعنى معاناه حقيقيه

بستغرب جدا دلوقتى اما تاخد جوله كدا فى مواقع الاسره و تشوف المشكلات الزوجيه و اسباب الطلاق

تلاقى ايه

جوزى صعب اوى اوى اوى
شعرو ابيض من الجمبين ومش بيرضى يصبغه
وانا زهقت شكله كبر و مكبرنى معاه
وكرهته و نفسيتى تعبت منه
الخ الخ


واحدة تانيه بقى ..عكس الاولانيه دى علطول
جوزى بيصبغ شعرو كل اسبوع لون مختلف
وتعبلى اعصابى كل شويه الاقى شكله اختلف
و نفسيتى تعبت انا منهاره الحقونىhttp://www.tarae3o.com/vb/images/smilies/biggrin.gif
هطلب الطلاق


واحدة تالته
جوزى عايزنا فى العيد نروح لمامتو اول يوم و مامتى تانى يووم
هو بيعاملنى كدا ليه
هو فاكرنى ايه
انا وحشه والا ايه
انا عاوزه اطلللللق

جوزى عاوزنى اصحى افطرو كل يوم
هو عيل صغير ما الاكل موجود فى التلاجه
ما ياكل الى عاوزو
انا معايا طفل" واحد"
وواخد كل وقتى
انا خلاص تعبت وزهقت و قرفت


غيروhttp://www.tarae3o.com/vb/images/smilies/rolleyes.gif
جوزى طيب وحنين و كريم
بس انا من عشرتاشر سنه كنت بحب واحد تانى
وبكره جوزى لان اهلى وافقو عليه و موافقوش على غراب البين التانى
انا عاوزه اطلللق بقى و بتمنالو الموت


جوزى بيرجع متأخر
بياكل و ينام
وانا مع العيال هو موفرلنا كل حاجه
بس انا احاسيسى و مشاعيرى
وفقاقيعى اتفقعت
و عاوزه اطلق هو انا هفضل كدا لحد امتى

الى بعدو
جوزى بينام كتير اوى اوى
حتى يوم اجازته بينام طول اليوم
وهو شغال "نجار مسلح"
"طلعان عين الى خلفوه طول الاسبوع"
وانا تعبت حاسه انى مش مجوزه
وبحقد على اصحابى الى اجوازهم بيرجعولهم بدرى
وبيفسحوهم
وعشان كدا انا عاوزه اطلق


يعنى سبحان الله
يبقو متسربعين على الجواز
و فى نفس الوقت متسربعين على الطلاق
خلل غير عادى فى التفكير و فى اهداف الزواج
و نكران و جحود للنعم
و عمى قلوب
و ضماير

بيخلى النوعيات الى زى كدا تضخم مشكله لا تستحق
بس بالنسبه ليها بتكون كفايه عشان تخرب بيتها
و اول ما تطلق تندم و تعيط وتقول يا ريتنى
طيب ما انتو كنتو معززين مكرمين
مجوزين

استغربت جدا حقيقى و اتفقعت مرارتى وانا بشوف ناس كل شارده ووارده فى حياتهم الزوجيه ومع اول تاتش او لمجرد الفراغ مش عارفه
يروحو اووووع دلقينها فى اى موقع على انها مشكله المشاكل
و الى تقول انا هولع فى نفسى و هنتحر حالا وانا بتقطع

ليه بجد ليه ؟

bodi89
11-24-2010, 01:35 PM
بيكونوا عالم فاضيه يا همس فى الغالب
فبيشوفوا اى حاجه مهما كانت تافهه بيشوفوها مشكله و بيعملوها مشكله

همـ س الـ ع ـيون
11-24-2010, 01:39 PM
بيكونوا عالم فاضيه يا همس فى الغالب
فبيشوفوا اى حاجه مهما كانت تافهه بيشوفوها مشكله و بيعملوها مشكله
ربنا يهدي في جميع الاحوال
نورتني

حسن حس
11-24-2010, 01:54 PM
علشان بيفكرو فى نفسهم
علشان مش شافين ان الحياة الزوجية دى مشاركة وتحمل ومسؤليه
ده بالنسبة للاخوان والاخوات المتجوزين الى بخترعو اسباب فارغة

لازم اى حد هيتجوز يفهم انه داخل على حياة تانية مفيش حياة اسمها انا لا خلاص
فى دلوقتى احنا يعنى لو فى عادات يبطلها زى السهر وهكذا
لان فعلا الجواز ده مسؤلية

همـ س الـ ع ـيون
11-24-2010, 02:13 PM
علشان بيفكرو فى نفسهم
علشان مش شافين ان الحياة الزوجية دى مشاركة وتحمل ومسؤليه
ده بالنسبة للاخوان والاخوات المتجوزين الى بخترعو اسباب فارغة

لازم اى حد هيتجوز يفهم انه داخل على حياة تانية مفيش حياة اسمها انا لا خلاص
فى دلوقتى احنا يعنى لو فى عادات يبطلها زى السهر وهكذا
لان فعلا الجواز ده مسؤلية
فعلا معاك حق
ميرسي لمرورك بدر

7abeb
11-24-2010, 02:26 PM
والله ليكى حق ياهمس فى موضوع المرارة داه والمشاكل كتيره وللاسف على اتفه الاسباب بس فعلا الحياة مسئولية مشتركه بين الاتنين والحياة الزوجيه ماهى الا مركب فى البحر والاتنين لازم يجدفوا علشان المركب تمشى وهنا المفروض دور الاب والام فى التوعيه بس التوعيه الى بجد علشان تستمر الحياة وتحافظ على بيتها وولادها دا بالنسبه للزوجه وبالنسبه للزوج لازم يشارك بردو فى التربيه ميرميش كل حاجه على الزوجه بس فعلا الى يخنق الواحد وانتى اشرتى ليه فى كلامك ياهمس موضوع لازم نعرف بنتجوز ليه؟؟؟ وكل واحد وواحده لازم يحدد يعنى ايه جواز ويعنى ايه مسئولية اولا قبل مايخطوا الخطوة دى والتربيه هنا ليها عامل كبير بصراحه لان للاسف حالات الطلاق كترررررت بشكل فظيع ياهمس بسبب حاجات كتيرة اوى اوى وكل واحده عايزه اتجوز اصل قريبتى ولا زميلتى اتجوزت اصلى مش عارف ايه والاستعجال وعايزه اخلص من اهلى ومع اول مشكله نبدأ نفكر فى الطلاق عامة ربنا يهدى الحال ياااااااارب وشكرا ياهمس على الموضوع

همـ س الـ ع ـيون
11-24-2010, 02:58 PM
يارب يهدي
ميرسي حبيب

لغتى صمتى
11-24-2010, 03:50 PM
والله ليكى حق ياهمس فى موضوع المرارة داه والمشاكل كتيره وللاسف على اتفه الاسباب بس فعلا الحياة مسئولية مشتركه بين الاتنين والحياة الزوجيه ماهى الا مركب فى البحر والاتنين لازم يجدفوا علشان المركب تمشى وهنا المفروض دور الاب والام فى التوعيه بس التوعيه الى بجد علشان تستمر الحياة وتحافظ على بيتها وولادها دا بالنسبه للزوجه وبالنسبه للزوج لازم يشارك بردو فى التربيه ميرميش كل حاجه على الزوجه بس فعلا الى يخنق الواحد وانتى اشرتى ليه فى كلامك ياهمس موضوع لازم نعرف بنتجوز ليه؟؟؟ وكل واحد وواحده لازم يحدد يعنى ايه جواز ويعنى ايه مسئولية اولا قبل مايخطوا الخطوة دى والتربيه هنا ليها عامل كبير بصراحه لان للاسف حالات الطلاق كترررررت بشكل فظيع ياهمس بسبب حاجات كتيرة اوى اوى وكل واحده عايزه اتجوز اصل قريبتى ولا زميلتى اتجوزت اصلى مش عارف ايه والاستعجال وعايزه اخلص من اهلى ومع اول مشكله نبدأ نفكر فى الطلاق عامة ربنا يهدى الحال ياااااااارب وشكرا ياهمس على الموضوع
انا عاجبنى رد حبيب جدا بحسوا فعلا بيقول لينا الواقع وكلامة فعلا بحسوا صحيح مليون فى المية

sky
11-24-2010, 09:34 PM
عشان مهملين
ماهى لو ماكنتش مهملة ف واجبتها سواء من نحية النظافة او ولادها او جوزها مكنتش هتلاقى وقت فاضى تخترع فيه مشاكل و تفتح النت و تكتبها

ميرسى يا قمر على النقاش

looney
02-05-2011, 04:28 AM
http://www.d7ka.com/forum/../up/uploads/images/D7ka-8939c64348.jpg

تـسلم ايــدك

Bota
02-07-2011, 11:22 AM
تـســلم الايــادى
http://www.d7ka.com/up/uploads/images/D7ka-bdc3f5e039.jpg

domo3 el ward
02-19-2011, 10:50 PM
تسلم ايديك