المساعد الشخصي الرقمي

مشاهدة النسخة كاملة : دعوة للنقاش !! قول رأيك بلباقة فى مايجرى حولك ؟


7abeb
09-05-2012, 10:35 AM
السلام عليكم ورحمة الله وبركاته






دعوة للنقاش !




عايز اسأل سؤال ايه الواجب والمفروض علينا تجاه البلد او بمعنى الاصح ايه المفروض تكون عليه طبيعة العلاقة بين الحاكم والمحكومين؟





سالت السؤال داه علشان بحس ان فى نسبه عند وتعطيل وتصيد لبعض قرارات الرئيس حتى ولو انا مش متفق مع معظمها لكن بسال المفروض نعمل ايه كشعب ؟؟




هل ننتظر وبلاش نصدر احكام متسرعه مثلا ولا نسجل اعتراضنا باى وسيلة مثلا




ولا نساعده باننا نلفت نظره الموضوع داه كان كذا والمفروض يبقى كذا ولا ايه ولا ايه




يعنى مثلا موضوع القمامه فى الشوارع ودا كمثال




بعض الشوارع مش عايز اقول كلها لما بتصدق تلاقى حته او مكان اترمى فيه كيسين زباله فى فسوة المكان داه بقى كوم للزباله واهل الحى كله يرمى فيه شعب عنييييد فعلا دى وجهة نظرى يعنى؟




فاانا بقول ازاى الشعب يساعد الحاكم وازاى الحاكم يساعد شعبه ببعض القرارات ؟




ونفسى الاقى علاقة مثلى نعرفها ونمشى عليها لان لو العلاقة دى اتظبطت اكيد بالتالى حال البلد هيتظبط لا والله بتقول حكم ههههههههه




فانا مش عارف العيب في مين بالظبط فى الحاكم ولا الشعب ولا ايه ؟؟؟




يعنى عايزين نعمل دعوة للنقاش للمفتوح فى حال البلد وبعض

القرارات اليوميه والاسبوعيه الى بتحصل مثلا عضو من الاعضاء اى عضو يدخل يقول ايه ياجماعه رايكم فى القرار الفلانى مثلا




يعنى زى منتدى سياسى او حلقة للنقاش او الحوار كده يعنى عن حال البلد مثلا وشايفين البلد بتتقدم ولا لاء نوع من الدردشه يعنى الى لا بتجيب ولا بتودى للاسف ههههههههههههه



مع انى بقالى فتره مش عايز ادخل نفسى فى السياسه بس اهو نوع من التنفيس وعدم الكبت يعنى





مستنى اسمع رأيكم فى الرغى الى انا بقولة داه موافقين ولا لاء؟






واتمنى لو حصل موافقه الا نخرج عن ان الاختلاف فى الرأى لا يفسد للود قضيه




ولو حسينا ان الموضوع خرج عن الاطار الهادف يبقى نقفله احسن وانا بقول نقفله احسن من دلوقتى ونخلص هههههههههه
بس هو الفكره عايزين نتبادل الاراء ووجهات النظر المختلفه لعل وعسى نطلع بهدف او بفكره حلوة







والخوف لنقول فى الاخر الكلمه الشهيرة



مفيش فايده




واختم كلامى الى مقتنع بيه مليون فى الميه




ان الله لا يغير مابقوم حتى يغيروا ما بانفسهم

looney
09-05-2012, 01:26 PM
حلو الموضوع يا فيلسوف وجاى فى وقتة من وجهة نظرى انا شايفة ان فى مقدمات كتير على عدم الارتياح مثلا عودة مجلس الشعب اولا///تغيير رؤساء تحرير الجرايد///اقالة المشير///كل دى حاجات مش مظبوطة وبتصب فى صالح الاخوان فقط ///يعنى من وجهة نظرى انا بشوف ان الرئيس مرسى هو رئيس للحرية والعدالة وليس كل المصريين صالح المصريين لسة مش واضح فى خطة الرياسة لحد دلوقتى والاسوء انقطاع الكهرباء كل يوم كل يوم ودة شىء جديد علينا وانقطاع المياةوالافراج عن المعتقلين السياسين بدون بند واضح للافراج عنهم ومجزرة رفح واعمار غزةطب ما بلادنا فيها مناطق كتير عشوائية محتاجة مياة وكهرباء هو مش جحا اولى بلحم ثورة

7abeb
09-05-2012, 11:54 PM
تمام يالونى كلامك صح بس هو سؤالى الى عامل الموضوع علشان ازاى نعمل علاقة مثلى بين الحاكم والمحكوم وايه المفروض على الحاكم ان يعمله والشعب يعمل ايه ؟؟؟ يعنى ازاى كل واحد يساعد التانى ؟؟؟

بالنسبه بقى لتعليقك حابب اقول رأيى فيه

بالنسبه لرجوع مجلس الشعب هو اساسا مرجعش ولا حاجه ؟ الانتخابات هتكون كمان 4 شهور

بالنسبه لتغير رؤساء التحرير فعلا وموضوع ان الشورى هيا الى تحط المعاير فعلا بتفق معاكى


اقالة المشير بصراحه فى وجهة نظرى شايفه صح اجالا او عاجلا هيخرج المشير المشكله فى ناس بتقول انه خرج بطريقه مش عارف ايه اهو اتكرم وخاد قلادة النيل باين وكمان هو كان قايل انه هيخرج من الساحه السياسيه وبصراحه كده احسن فى رأيى واهو بيقولوا بقى مستشاره بس اى نظام يالونى لازم يقضى على اذناب النظام السابق وبصراحه كانت نفسى تيجى من المشير نفسه يوم 30/6 كان افضله واكرمله بصراحه وكمان يالونى المجلس العسكرى اخطأ اخطاء كتيرة فى الفتره الانتقالية بردو وممكن نلتمس ليه العذر فى انه مش فاهم فى السياسه لكن بردو مسؤل داه رأيى يعنى

موضوع بقى اخونه الدولة زى مبيتقال انا بصراحه الى يهمنى يالونى النتيجه فى الاخر وهستنى واشوف حصل تغير ولا لاء والله يجيب اخوان يجيب سلفين يجيب الى يجيبه المهم ان الواحد يلاقى حصل تغير هو طبعا دلوقتى فى حاجات مكنتش فى صالحه واخطأ شوية بس اهو بردو الواحد فى انتظار الافضل والاحسن باذن الله واهو لسه بقاله شهرين وفى رأيى بلاش نقول الجواب بيبان من عنوانه لان ياما كانت فى امور كتيرة العنوان بتاعها فله وشمعه ومنورة وبعدين النتائج كانت سيئة للغايه

بتفق معاكى فى نقطه اننا اولى بالمياة والكهرباء اكييييييييد بس كل الى عايز اقوله فى الاخر

البلد بتمر بحالة فترة انتقاليه ومفهاش استقرار فياريت قبل منقرأ اى خبر اى معلومه لازم التاكد من صحتها بنسبة كبيرة ونفكر فيها

الى خانقنى بس ان التغير فى المحافظين والمجالس بيجى بدون اى مقدمات من غير دا اتغير ليه وعلشان ايه طب والى جاى جديد داه خلفيته ايه عن المنصب داه مش عارف

بس زى ماقولت معنديش حل غيران استنى النتيجه وبردو لا اعتقد انه الرئيس محمد مرسى عايز يفشل اكيد عايز ينجح واكيد هيجيب الناس الى هتنجحه لكن محتاجين شفافيه ورؤية وخطه قريبة المدى وبعيدة المدى ونتمنى القادم افضل لمصر

وشكرا يالونى على رأيك وفى انتظار باقى الاعضاء

tweety
09-06-2012, 02:20 PM
موضوع قيم يستحق المناقشة
لى عودة

looney
09-06-2012, 04:56 PM
اقالة المشير بصراحه فى وجهة نظرى شايفه صح اجالا او عاجلا هيخرج المشير المشكله فى ناس بتقول انه خرج بطريقه مش عارف ايه اهو اتكرم وخاد قلادة النيل باين وكمان هو كان قايل انه هيخرج من الساحه السياسيه وبصراحه كده احسن فى رأيى واهو بيقولوا بقى مستشاره بس اى نظام يالونى لازم يقضى على اذناب النظام السابق وبصراحه كانت نفسى تيجى من المشير نفسه يوم 30/6 كان افضله واكرمله بصراحه وكمان يالونى المجلس العسكرى اخطأ اخطاء كتيرة فى الفتره الانتقالية بردو وممكن نلتمس ليه العذر فى انه مش فاهم فى السياسه لكن بردو مسؤل داه رأيى يعنى


الطريقة غير لائقة وفيها غل وانتقام مش تشريف ابداااكان ممكن يطلب منة الاستقالة لو النية خير

looney
09-06-2012, 05:01 PM
س زى ماقولت معنديش حل غيران استنى النتيجه وبردو لا اعتقد انه الرئيس محمد مرسى عايز يفشل اكيد عايز ينجح واكيد هيجيب الناس الى هتنجحه لكن محتاجين شفافيه ورؤية وخطه قريبة المدى وبعيدة المدى ونتمنى القادم افضل لمصر

النتايج بتبان من الاول مش من الاخر والدولة دلوقتى كل عناصرها اخوان يعنى الانتماء مش للبلد بل للحزب
فية كفائات كتير بنسمع عنهم وموجودين لكن محدش استغلهم ابدا ///الفوضى زى ماهى ///البلطجة زى ماهى مفيش اى تغيير ملموس او محسوس بل بالعكس احنا بنرجع لورا والاسوء من كل دة ان المصريين خدوا بمبة فى مشروع النهضة اللى على اساسة تم انتخابةالرئيس/// خيرت الشاطر اعلن ان مفيش مشروع واضح وان المصريين اخطؤا فهم الكلام غلط///وفى النهاية لا يصح الا الصحيح ونتمنى للبلد ان يكون بكرة احلى

7abeb
09-07-2012, 12:18 AM
والله بالرغم من ان متفق معاكى فى معظم الى قولتيه لكن الامل لسه موجود وان شاء الله الى جاى افضل

لكن بردو يالونى لسه مازلتى عندى سؤالى ليكى

ايه المفروض انه يعمله الشعب تجاه الحاكم والحاكم تجاه شعبه ؟؟ عايزين علاقة مثلى بينهم تتم ازاى ؟؟؟

7abeb
09-07-2012, 12:24 AM
والنهارده سمعت خبر وقرار جمهورى بااعادة تشكيل المجلس الاعلى للصحافه دا شىء كويس بردو انا بردو لازلت اتمسك بالامل وبقول لسه بدرى ع الحكم ويظل السؤال مطروووووووووووح

looney
09-07-2012, 04:41 AM
كلمة واحدة فيها المعنى كلة
الثـــقــة من الطرفين
لكن بدلائل اكيدة
ربنا يسلم مصر يارب من كل شر

7abeb
09-07-2012, 04:40 PM
تمام يالونى فعلا مهم جدا الثقة بين اى علاقة اى كانت واساس اى علاقة بتبدأ اساس بالثقة احيكى ع اختيارك لكلمة دى يالونى والله والثقه مبتجيش من فراغ لازم زى مبتقولى دلائل اكييييييده وواضحه فعلا

بس انا نفسى اعرف الثقه دى تتبنى ازاى وايه هيا الخطوات الى المفروض يعملها كلام من الحاكم والشعب واعتقد ان الثقه اكييد تيجى من الشعب اولا ولا ايه رأيك ؟ ولا هو يقوم بخطوات علشان يكسب ثقة الشعب دى ؟؟؟
طيب ايه هيا الخطوات الى المفروض يقوم بيها الحاكم تجاه الشعب زى ايه من وجهة نظرك يالونى ؟

tweety
09-09-2012, 04:49 AM
شكرا ياحبيب للموضوع المميز
هو فعلا فى اخطاء كتيرة بس هى نتيجة افعال خطأ من المجلس الرياسى لانة متصرفش بحق كل المصريين ولكن لحسب حزبة هو وبس دون ان يراعى باقى الوطن
وربنا يهدى الحال يارب للصالح العام

قطر الندى
09-11-2012, 07:34 AM
سـ ل مت الايـادى
شكرا ج زيلا

Bobs
10-12-2012, 08:14 AM
دمت ودام قلمك
الله يعطيك العافية

bodi89
11-07-2012, 11:34 AM
كل واحد هيقول لما الباقى يعمل ابقى انا اعمل
و فى الاخر محدش بيعمل اى حاجه و يبقى الوضع علي ما هو عليه