قريبا
قريبا
قريبا
قريبا





منتدى القصص و الروايات للقصه عالم واجمل ما فيها نسج الخيال

إضافة رد
 
أدوات الموضوع إبحث في الموضوع
قديم 01-16-2020, 04:02 PM   #1
ادهم احمد خالد
عـُضو شَايف شـُغلُه
 
الصورة الرمزية ادهم احمد خالد
 
تاريخ التسجيل: Mar 2017
المشاركات: 338
ادهم احمد خالد عـضو يستحق التميز
5 بلد العميان



اتكتبت القصة سنة 1904 وبتحكى عن مجموعة من المهاجرين من البيرو هربوا من طغيان الإسبان وبعدين حصل انهيارات صخرية في جبال الإنديز فعزلت الناس دول في واد غامض انتشر بينهم نوع غامض من التهاب العيون أصابهم كلهم بالعمى و فسروا ده انه بسبب انتشار الخطايا بينهم وللسبب ده لا حد خرج من الوادى ولا حد زارهم واتنقل العمى بينهم بالوراثة جيل بعد جيل هنا يظهر بطل قصتنا نيونز 🌹♥️مستكشف وخبير في تسلق الجبال تسلق جبال الانديز مع مجموعة من البريطانيين وفي الليل اتزحلقت رجله فوقع من فوق وقع مسافة كبيرة اوى بحيث محدش قدر يشوف الوادي اللى وقع فيه ومعرفوش أنه وادي العميان الأسطوري لكن الرجل مامتش وقع فوق وسادة ثلجية حفظت حياته🌹♥️ولما بدأ يمشى شاف البيوت في الوادي لاحظ أن ألوانها فاقعة متعددة بشكل غريب ومكنش فيها شبابيك هنا خطر له أن اللى بنى البيوت دى أعمى كخفاش فضل يصرخ وينادي الناس لكنهم مابصوش ليه هنا تأكد من أنهم عميان فعلا وان دى بلد العميان اللى كان بيسمع عنها كاسطورة وافتكر الجملة المشهورة اللى بتقول🌹♥️في بلد العميان يصير الأعور ملكا بالبلدى كده كان أعرج في حارة المكسحين فضل يشرح ليهم هو جه منين جاء من بوجاتا وده مكان الناس فيه بتشوف هنا ظهرت مشكلة يعنى ايه بتشوف 🌹♥️فضلوا يحسسوا على وشه ويغرسوا اديهم في عينه كانوا شيفينها عضو غريب ولما كان بيتشنكل وهو ماشى علشان مش واخد على طبيعة الارض والمكان قالو ده اكيد مريض حواسه ضعيفة وبيقول حاجات غريبةواخدوه للكبير بتاعهم هنا يدرك أنهم عايشين حياتهم في ظلام دامس وبالتالي هو أكثر شخص ضعيف في المجتمع ده مر على العميان خمستاشر جيلا وبالتالي بقي عالمنا هو الأقرب إلى الأساطير عرف فلسفتهم العجيبة ان في ملائكة تسمعها لكن ماتقدرش علي لمسها بيتكلموا عن الطيور طبعا )والزمن يتكون من جزءين بارد ودافئ المعادل الحسي لليل والنهار
ينام الشخص في البارد ويشتغل في الدافي ماكنش عند نيونز )شك في أنه وصل المكان الذي هيكون فيه ملكا وانه هيسود الناس دى بسهولة لكن الأمر فضل صعب هما عارفين كل شيء بودانهم عرفين امتى مشى على العشب أو الصخور كانوا كمان يستعملون مناخيرهم ببراعة تامة🌹♥️فضل يحكي ليهم عن جمال الجبال والغروب والشمس هما بيسمعوا له باسمين ومش مصدقين حرفا قرر أن يوريهم أهمية البصر شاف واحد اسمه بدرو جى من بعيد فقال لهم بدرو هيكون هنا حالا أنتو لا سمعتوه ولا شميتوا رحته لكن انا شفته بدا عليهم الشك وفضلوا مستنيين هنا لسبب ما قرر بدرو أنه يغير مساره ويبعد حاول الهرب لكنهم مسكوه بطريقة العميان المخيفة كانوا بيسمعوا وبيشموا الهواء ويقفلوا الدايرة عليه قعد يفكر لو ضرب منهم شوية هيعترفوا بقوته لكن لازم أنه ينام بعد شوية ووقتها هيمسكوه🌹♥️قرر يهرب وبعد الهروب ليوم كامل في البرد والجوع لقي نفسه راجع ليهم ويعتذر وقال أعترف بأنني غير ناضج و مافيش شيئ اسمه البصر🌹♥️كانوا طيبي القلب وسامحوه بسرعة هما بس جلدوه وبعدين شغلوه عندهم في شوية حاجات وفي الوقت ده بدأ يميل لبنت وجدها جميلة لكن العميان ماكنوش بيحبوها لأن وشها حاد من غير منحنيات ناعمة وصوتها عال ورموشها طويلة يعنى تخالف فكرتهم عن الجمال لما طلب اديها أبوها مارضيش لأنهم كانوا بيعتبروه أقل من مستوى البشر نوع من المجانين لكن البنت كانت بتميل لنيونز فعلا ولاقي الأب نفسه في مشكلة علشان كدة طلب رأي الحكماء🌹♥️كان ري الحكماء قاطعا الولد عنده حاجتين غريبتين منفوخين يسميهم العينين جفونه بتتحرك وعليهما رموش و العضو المريض ده أتلف مخه لازم إزالة العضو الغريب ده علشان يرجعله عقله بالتالي يقدر أنه يتزوج البنت طبعا الولد فضل يصرخ مش هيضحى بعنيه لاى سبب بعد شوية اترمت البنت على صدره وبكت وقالت له ياريتك تقبل ياريتك تقبل وبكده بقي العمى شرط علشان يترفع شأنه ويكون مواطن عادى صالح زيهم و قبل نيونز أخيرا وبدأ آخر أيامه مع حاسة البصر خرج علشان يشوف العالم للمرة الأخيرة هنا شاف الفجر بيغرق الوادي بلونه الساحر أدرك أن حياته هنا لطخة آثمة 🌹♥️ الأنهار والغابات والأزرق في السماء والنجوم ازاى يفقد هذا كله علشان خاطر بنت وازاى وليه أقنعوه أن البصر شيء ملوش قيمه جرى على حاجز الجبال وكان فيه مدخنة حجرية عاليا وقرر أن يتسلقها ولما غربت الشمس كان بعيدا جدا عن بلد العميان نزفت ايده واتقطعت هدومه لكنه كان بيبتسم رفع عينيه وسرح في النجوم انتهت قصة بلد العميان 🌹♥️في لحظات بتحس فيها ان الغلط بينتشر وبيبقي هو المنطق بتحس انك غريب ومختلف وطبعا هيفتكروك مجنون او معتوه الأدهى أن عندك فضائل وطبعا مش شايفين لها اى قيمة وبعد شوية تيجى اللحظة التي تقرر فيها أن تتخلى عن عينيك علشان تكون زيهم واللحظة دى جية جية الدنيا مابتبطلش اختبارات لكن لو كنت محظوظ هتشوف الفجر هتعرف وقتها انت كنت هتخسر ايه 🌹♥️
__________________
ان المال الذى فى يدك هو وسيلة للحرية اما المال الذى تسعى الية فهو وسيلة للعبودية
ادهم احمد خالد غير متواجد حالياً   رد مع اقتباس
قديم 01-16-2020, 05:18 PM   #2
عين السلسبيل
عـُضو لـٍسة صـُغنـُون
 
تاريخ التسجيل: Sep 2018
المشاركات: 66
عين السلسبيل عـضو يستحق التميز
افتراضي

تسلم ايدك يا ادهم
قصة حلوة
عين السلسبيل غير متواجد حالياً   رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع




Powered by vBulletin Version 3.8.4
Copyright ©2000 - 2020, Jelsoft Enterprises Ltd
Translation by f3al
جميع الحقوق محفوظة لمنتديات ضحكة